SABADI súkkulaðikassi með 8 gerðum af súkkulaði – 80% AFSLÁTTUR

Matarkassinn inniheldur átta gerðir (8 x 50 g.) af lífrænu súkkulaði frá súkkulaðimeistaranum Sabadi í Modica á Sikiley.

Kassinn fangar það besta frá eyjunni í súkkulaðiformi, sítrusa, chili, sjávarsalt, möndlur og ber – hvað gæti verið betra!

Bærinn Modica er þekktur fyrir tvennt, fegurð og súkkulaði. Fjölmargir framleiðendur búa til Modica súkkulaði og Sabadi er þar í fremstu röð. Súkkulaðið er framleitt við óvenju lágt hitastig “lavorato a freddo” (hrásúkkulaði) svo það hefur áferð sem er frábrugðin hefðbundnu súkkulaði, grófari og hrárri. Aðferðin er aldadömul og var flutt inn frá aztekum þegar Spánverjar réðu ríkjum á Sikiley um tíma.

Að eingöngu sé valið besta hráefni, hjá Sabadi, sem völ er á, er ekki orðum ofaukið. Kakóið frá Ekvador er ekki bara lífrænt og fairtrade heldur sömuleiðis með svokallaða Slow Food Presidia nafnbót. Saltið er svokallað “fior di sale” eða blómsalt, fágæt útgáfa af sjávarsalti sem myndast náttúrulega eða “blómgast” eins og það kallast efst á saltpönnunni. Svo er það allt lífræna hráefnið frá Sikiley, blóðappelsínur, mandarínur, sítrónur, villt krydd og fleira sem sumt hefur þar að auki Slow Food Presidia nafnbótina eins og kakóið.

Súkkulaðið er einstök upplifun og meira lifandi en önnur súkkulaði sem ég hef kynnst. Hver biti kitlar bragðlaukana og eftirbragðið lifir nánast endalaust. Framleiðsluaðferðin varðveitir líka betur hollustu kakósins og annars hráefnis.

Sannkallað súperfæði!

SMELLTU HÉR til að sjá allar vörur í vefverslun